Lexo: Mateu 15:14; Filipianëve 3:17-21

Dëbora binte lehtë rreth makinës dhe Rejçëllit e Emit i dukej sikur ajo po hidhej mbi to nga një dorë gjigante e padukshme. “Nuk mund të shoh asgjë!” thirri Rejçëlli. “Gjithçka është e bardhë!”

“E vërtetë,” pranoi nëna. “Është e vështirë të shohësh edhe vizën e bardhë të rrugës!” Emi bëri me gisht përpara. “Shiko, babi! Para nesh ndodhet një kamionçinë. A nuk do të ishte mirë të qëndronin sa më pranë saj?” pyeti ajo.

“Mesa duket shumica e njerëzve kanë të njëjtin mendim,” tha babai ndërsa dy makina i parakaluan dhe rritën shpejtësinë për të ndjekur nga pas kamionçinën. “Ata po ecin shumë shpejt,” shtoi babai. “Ne do të ecim ngadalë derisa të gjejmë një vend ku të ndalojmë.”

Shumë shpejt ata panë të njëjtën kamionçinë… në një kanal. “Shikoni!” thirri Rejçëlli. “Ajo kamionçina ka dalë jashtë rrugës dhe ato dy makinat e kanë ndjekur nga pas!”

I verbri i prin të verbrit,” murmuriti babai. “Shpresojmë që së shpejti dëbora do të qetësohet. Nëse jo, do të përpiqemi të gjejmë një motel dhe të presim deri nesër për të vazhduar.”

Nuk kaloi shumë kohë dhe dëbora u qetësua; të gjithë morën frymë lirisht.

“Më vjen mirë që nuk e ndoqe kamionçinën që të sugjerova,” tha Emi, “por çfarë doje të thoshe për të verbrin që i prin të verbrit?”

“Njëherë Jezusi iu tha dishepujve të Tij se nëse i verbri i prin të verbrit, të dy do të bien në gropë,” shpjegoi babai. “Edhe këtu kjo gjë ndodhi. Dukej qartë që shoferi i kamionçinës nuk mund të shihte më mirë sesa shoferët e tjerë të makinave. Sidoqoftë, ata e ndoqën atë dhe ai i drejtoi jashtë rrugës.”

“Epo, jam e sigurt që Jezusi nuk ishte duke folur për kamionçinat apo makinat,” tha Rejçëlli.

Babai buzëqeshi. “Jo,” pranoi ai. “Mendoj që Ai po na mësonte se duhet të tregohemi të kujdesshëm se kë ndjekim në jetën tonë të përditshme.”

Nëna pohoi me kokë. “Kë adhurojnë dhe imitojnë fëmijët në shkollë?” pyeti ajo. “Disa nga fëmijët emocionohet për yjet e muzikës ose të kinematografisë,” tha Emi. “Dhe shumë nga djemtë duan të jenë si sportistët e famshëm,” shtoi Rejçëlli. “Gjë e keqe është kjo?”

“Varet,” tha babai. “Është mirë nëse ata adhurojnë Perëndinë dhe e ndjekin Atë. Por është keq nëse ndjekin Satanin dhe i shtyjnë fëmijët e tjerë që të përfshihen në gjëra mëkatare. Të krishterët duhet të imitojnë ata që e duan Jezusin.”

Po ti kë adhuron dhe si kush dëshiron të jesh? Satani dëshiron që ti të ndjekësh ata që të nxisin të mos e respektosh autoritetin, që të mësohesh duke folur fjalë të pahijshme, që të mos jesh i sinqertë ose që të bësh gjëra të tjera mëkatare. Mos i ndiq njerëz të tillë. Ata janë të verbër për urtësinë dhe njohurinë e Perëndisë. Sigurohu që të imitosh ata që e njohin dhe e duan Zotin Jezus.

Ndiq njerëzit që e duan Jezusin!

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI