Si t’i tregoni fëmijëve çdo ditë se i doni.

A ju merr malli për fëmijët tuaj kur jeni në punë dhe dëshironi të kaloni më shumë kohë me ta? Ndoshta jeni familje me shumë fëmijë dhe doni të jeni të sigurtë, se të gjithë fëmijët tuaj e dinë se ju si prind i doni shumë? A e keni kohën e kufizuar për të ndjekur më shumë aktivitete me fëmijët tuaj?  Atëherë ky është një material i dobishëm për ju, pasi do t’ju tregojmë disa mënyra se si të bëni çdo fëmijë të ndihet i vecantë.

  Shënime në vendet e pazakonta.

Dhe pse i vogli juaj nuk mund të lexojë akoma, ju mund të vizatoni dicka për ta. Fëmijët do ta duan këtë surprizë kur ta gjejnë në xhepat e tyre, pasi do të mendojnë se është bërë enkas për ta. Disa vende ku ju mund të lini shënime për ta janë: pjata e mëngjesit, xhepi i xhaketës, karrigia e makinës, apo furça e dhëmbëve.

–  Ngjitësa.

Ngjitësat  janë të përhapur mes fëmijëve të të gjitha moshave. Blijini ato dhe vendosini në këmishat e tyre kur shkojnë në shkollë, apo mbi cantën e shpinës. Thuajini se sa herë të shohin këtë shënim do të kujtojnë se ju i doni!

-Ditar.

Blini një bllok të cilin fëmija juaj e pëlqen, Shkruani çdo ditë, gjënë më të bukur që ata kanë bërë atë ditë. Më vonë gjatë jetës së tyre,  ata do t’i lexojnë këto shënime dhe do të gëzojnë, dhe në të vërtetë kjo merr shumë pak kohë.  Nëse e bëni zakon që të mbani shënim momentin më të bukur që keni kaluar për  çdo ditë, koha e darkës do ishte një moment i përshtashëm për t’u kujtuar.

Kutia e puthjeve.

Kutia e puthjeve është një kuti bosh,  që fëmijët tuaj mund ta dekorojnë. Ju mund të  vendosni aty një puthje para se të shkoni në punë apo të dilni për diku. Nëse fëmijët tuaj do t’i marr malli për ju, ata mund të hapin kutinë dhe të marrin puthjen tuaj. Moment i ëmbël!

– Libri i preferuar.  

Nëse fëmija juaj ka një libër të preferuar, sigurohuni që përpara kohës së gjumit t’i lexoni një pasazh nga libri i preferuar.

– Këngë të vecantë

Ju mund të shkruani disa vargje për t’ia kënduar fëmijës suaj me melodinë tuaj të preferuar.

Këto janë disa sugjerime që mund të shtyjnë imagjinatën tuaj të krijojë ide  të tjera.  Mos harroni që dhe pse nuk mund të kaloni kohën që dëshironi me ta, edhe gjërat e vogla kanë për t’i bërë ata të ndihen të dashur.

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI