Shpirti im

Ti nuk je vetëm

Vjen një pikë ku frika do të përballet me Perëndinë që ti njeh

Vjen një ditë dhe Ai do të bëjë një rrugë

Lëre të të mësoj se si ta dorëzosh këtë

Sepse Ti nuk je vetëm…”

Albumi më i fundit i Casting Crowns “The Very Next Thing” (Hapi i radhës) fokusohet tek ideja që hapi i radhës i Zotit është hapi që duhet ndjekur. Kjo përmbledhje këngësh është krijuar për t’i arritur njerëzit aty ku ata janë dhe për t’i inkurajuar të hedhin hapin e radhës.

Një këngë thellësisht personale e albumit është kënga “Oh my soul” (O shpirti im) Kjo këngë është frymëzuar nga beteja e vokalistit kryesor Mark Hall me sëmundjen e kancerit në veshkë. Diagnoza e përcaktuar në vitin 2015 e kapi në befasi këngëtarin dhe në këtë këngë ai pasqyron frikën dhe dyshimet që pasuan marrjen e këtij lajmi shkatërrues. Me heqjen e veshkës, tashmë ai është i shëruar nga kanceri.

Hall shërben si drejtuesi i të rinjve në kishën e tij në Atlanta dhe ai e ka shkruar këtë këngë  në një mbrëmje të qetë në zyrën e tij në kishë. Ai kujton: “Në zyrën time kam një piano të vogël. Më kujtohet që isha ulur në piano dhe po meditoja për Psalmin 42:11 ku Davidi thotë, “Pse ligështohesh, shpirti im, pse rënkon përbrenda meje? Shpreso te Perëndia.” Ky varg më ka prekur gjithmonë sepse këtu Davidi i flet vetes. Ne të gjithë flasim me vete, por nuk duam që të tjerët ta dinë. Më kujtohet që qëndroja ulur në piano dhe refreni lindi natyrshëm. Në vargjet e kësaj kënge argumentoj me veten dhe i flas të vërtetën vetes.  Rrënjët e besimit tim i flasin stuhisë në jetën time pikërisht aty ku fillon beteja.”

Kur në revistën Billboard e kanë pyetur se si kjo përvojë ka ndikuar muzikën e albumit të ri, Hall është përgjigjur: “Kur dëgjoj njerëzit të thonë se po luftojnë me kancerin ose me beteja të tjera me shëndetin e  tyre, tashmë e shikoj ndryshe këtë betejë të tyren.  Më përpara e kam parë si dikush që ka pasur një person të dashur që përballet me sëmundjen. por kurrë nuk e kisha përjetuar vetë, dhe kjo është diçka e re.  Kënga ‘Oh My Soul’ (O Shpirti Im) pasqyron më së miri se ku isha dhe se ku jam tani. Kurrë nuk kam qenë i zoti të fsheh atë që po përjetoja, ndaj kështu që gjithmonë ka dalë në shkrimet e mia.”

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI