Në çdo kohë që ndodh një fatkeqësi natyrore, është e kuptueshme që të vijnë në mendje pyetje të mëdha për gjëra të tilla si jeta, vdekja dhe pse jemi këtu. Madhësia e vdekjes dhe shkatërrimit të shkaktuar nga tërmete, zjarre, tsunami ose përmbytje zhvendos mendimet tona normale të përditshme, duke na bërë që të kërkojmë shpjegime për vuajtjet.
Shpesh ne u përgjigjemi pyetjeve tona bazuar në kuptimin tonë personal të Zotit. Nëse Ai bën diçka që nuk përshtatet në kutinë që ne kemi krijuar për Të, ne lehtë zemërohemi ose hutohemi. Ne kemi një kuptim të kufizuar të mënyrës se si funksionon jeta në të vërtetë. Por Krijuesi ynë i përjetshëm, pa mëkat dhe sovran është i gjithëdijshëm – Ai sheh dhe di atë që nuk mund ta perceptojmë.
Zoti na ka dhënë Fjalën e Tij për të na ndihmuar nëpër këto çështje të vështira dhe të rritemi në njohuritë tona për Të. Një këndvështrim i saktë i rolit të Zotit në katastrofat natyrore duhet të vijë nga Bibla, jo nga perspektiva jonë e ngushtë e jetës.
Sigurisht, ne kurrë nuk do të jemi në gjendje ta kuptojmë plotësisht një Zot kaq të fuqishëm, por sa më shumë të kuptojmë se si Ai punon në botë, aq më i madh do të jetë besimi ynë tek Ai. Mbani mend, megjithatë, se kur rrugët e Tij sfidojnë të kuptuarit, atëherë besimi në mirësinë, dashurinë dhe mençurinë e Tij duhet të jenë themeli ynë.