Nën krahët e Tij

Lexo:Psalmi 91:1-4

Klara doli me vrap nga autobusi i shkollës dhe filloi të kërcente jashtë në shi para derës së shtëpisë së saj. Por sapo hapi derën, më mirë të ishte kthyer në autobus. Nga shtëpia u dëgjuan zëra të inatosur. Klara shtrëngoi nofullat nga zhurma e babait dhe e nënës së saj që po grindeshin sërish.

Pasi e hodhi çantën e shpinës në korridor, Klara doli jashtë duke menduar: “Ata po bërtasin më shumë se zakonisht. Përse grinden gjithnjë? Nuk dua t’i dëgjoj!

Për t’i larguar fjalët e rënda, Klara vrapoi në oborr për tek koteci i pulave dhe u fut brenda tij për të mos u lagur nga shiu. Lotët i rrodhën faqeve, ndërsa u ul kruspull mbi një grumbull kashte në një qoshe të kotecit.

Megjithëse Klara nuk e dëgjonte më zërin e prindërve të saj që grindeshin, ulërima e tyre jehonte gjithnjë e më shumë në zemrën e saj, derisa filloi të dridhej nga të qarat. “Sa do të doja që ata të mos grindeshin,” mendoi Klara kur mori frymë thellë. Ajo ndihej e vetmuar. Thjesht donte që familja e saj të ishte e lumtur. Në shtëpinë e tyre nuk kishte asnjëherë paqe kur prindërit e saj nuk merreshin vesh së bashku.

Klara vështronte pulat ndërsa uleshin në kotecin e tyre. Dëgjohej një zhurmë e lehtë kashtës në anën tjetër të kotecit. Një pulë së fundmi kishte çelur disa zogj. Klara vuri re disa sqepa të vegjël të pushverdhëve që dilnin nga krahët e nënës së tyre. Ajo e dinte që krahët e pulës po i mbanin ngrohtë zogjtë e vegjël në atë ditë të ftohtë.

Ndërsa po shihte zogjtë, Klarës iu kujtua një shënim kartoline që mësuesja e shkollës të së dielës i kishte dhënë asaj. “Ti do të gjesh strehë nën krahët e Tij!” thuhej në kartolinë. Klara e dinte që ky ishte një varg nga Bibla. Mësuesja e saj i kishte shpjeguar se e krahasonte Perëndinë me kujdesin e një klloçke për zogjtë e saj, por kujdesi i Perëndisë është edhe më i madh.

Klara u lut: “I dashur Jezus, ndihem e vetmuar! Kur mami dhe babi grinden, kjo më lëndon brenda meje. Më vjen mirë që mund të vij tek Ti kur jam e trishtuar, dhe tani kështu ndihem. E di që Ti ke premtuar se nuk do t’i braktisësh asnjëherë fëmijët e tu. Faleminderit që je gjithnjë me mua, pavarësisht se çfarë ndodh. Më ndihmo të ndihem e sigurt nën krahët e Tu, edhe kur familja ime nuk është e lumtur.” Klara filloi të ndjejë paqe kur kujtoi premtimin e Perëndisë për besnikërinë dhe dashurinë. Ajo e dinte se nuk do të ishte asnjëherë vetëm.

A grinden prindërit e tu apo anëtarët e tjerë të familjes? A ndihesh ndonjëherë sikur askush nuk e di se çfarë po kalon? Perëndia e di dhe të do. Ai dëshiron që të shkosh tek Ai për të kërkuar ndihmë, ashtu si zogjtë fshihen nën krahët e nënës së tyre. Tregoji Perëndisë se si ndihesh. Mësoji përmendësh vargjet biblike që të kujtojnë dashurinë dhe besnikërinë e Tij. Gjej një të rritur me të cilin mund të ndash shqetësimet e tua. Gjithnjë kujto që Jezusi nuk do të të lërë asnjëherë vetëm.

Gjej strehë tek Perëndia!

Ndani përshtypjet tuaja me ne
Alma Elezj Anuloje përgjigjen

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI