Sot në programin Zgjohu Pozitiv kemi folur për kursimet. Eshtë shumë e rëndësishme të kursejmë, por edhe t’i nxisim të tjerët të bëjnë të njëjtën gjë.ë këtë material do të gjeni disa gjëra të rëndësishme që duhet t`i dini për kursimet të cilat mund t’i bëni praktike.

Kursimet na mësojnë t’i përdorim paratë në mënyrë më racionale dhe të ndërgjegjësohemi mbi vlerën e tyre të vërtetë. Kursimi është një zakon shumë i dobishëm, pasi na jep siguri dhe na ndihmon që t’i përballojmë me lehtësi situatat kur kemi nevojë të menjëhershme për para. Me kursime nuk nënkuptojmë vetëm ruajtjen e parave, por njëkohësisht investimin e tyre në një periudhë të nevojshme.

Vendimi më i vështirë dhe më i rëndësishëm që ju duhet për të ardhmen tuaj është që të jeni të bindur se : “Doni të kurseni”.

Kursimet nënkuptojnë ruajtjen e parave dhe investimin e tyre në një periudhë të nevojshme.

Ne duam t’ju japim disa këshilla praktike për kursime.

• Përcaktoni qëllimin e kursimit tuaj

Në këtë mënyrë ju do të motivoni veten për të kursyer në mënyrë të rregullt. Përcaktoni shumën që dëshironi të kurseni çdo muaj (përshtateni shumën me të ardhurat dhe kostot tuaja mujore). Jini këmbëngulës – pranojini kursimet si detyrimin tuaj mujor

• Kontrolloni shpenzimet që bëni
• Zvogëloni kostot e faturave tuaja
• Jini këmbëngulës – pranojini kursimet si detyrimin tuaj mujor
• Kurseni deri në masën sa nuk do ta lini veten keq
• Kursimet tuaja mund t’i filloni që nga shporta juaj e përditshme.

Mënjanoni rutinën e të bërit pazar vetëm në një dyqan të cilin ju e keni më afër. Bëni krahasimet në dyqane dhe do të vëreni se vetëm në gjërat themelore të kuzhinës ju mund t’i kurseni disa lekë.

 Kurrë mos u nisni në dyqan pa e përpiluar një listë me gjërat elementare.

Bëhuni më të kujdesshëm në përdorimin e energjisë elektrike.

Shfrytëzoni në mënyrë sa më racionale ujin.

Shmangni udhëtimet e shkurtra me makinë.

Gjithkush mund të kursejë, varësisht nga të ardhurat që ka!