Kafsha më e rrezikshme

Lexo: 2 Korintasve 11:13-15; 1 Pjetrit 5:8-9

Familja e Erjonit kishte shkuar në kopshtin zoologjik të zonës dhe në një moment Erjoni klithi me zë të lartë: “Uau! Dëgjojeni ulërimën e atij ariu! Ja patë dhëmbët? Vë bast që me ato dhëmbë ai mund t’i lëndojë të tjerët!”. Babai buzëqeshi dhe tha: “Jam i sigurt që po. Ai ka putra të mprehta gjithashtu.”.

Pak më vonë Erjoni tregoi me gisht një tigër më të madh. “E imagjinoni dot sikur ai tigri atje t’ju vinte nga pas vjedhurazi në xhungël!” – tha ai, ndërkohë që tigri po i vështronte ata.

Motra e tij, Olivia, u drodh dhe iu përgjigj: “Më mirë të mos e imagjinoj.”.

Kur po ktheheshin në shtëpi, Erjoni mendonte për kafshët e frikshme që kishte parë. Në një moment ai pyeti: “Babi, si mendon, cila kafshë është më e rrezikshme?”.

Babi iu përgjigj: “Në fakt, nuk e di, por do të thosha se është luani.”. Ndërsa Olivia sugjeroi: “Ose ai ariu i përhimë.”.

Erjoni thirri: “Shikoni! Ai burri që sapo doli nga lokali mezi ecën! Dhe te kthesa është një burrë tjetër që po rri ulur. Një tjetër është shtrirë në mes të rrugës. Një polic po bisedon me ta.”.

Babai pohoi me kokë dhe tha: “Është për të ardhur keq, apo jo? Ju e dini që nuk duhet t’ju afrohemi shumë kafshëve të egra, si ato që pamë në kopshtin zoologjik, por ju po shikoni prova të një ngjarjeje më të frikshme se sa plagosjes nga luanët, arinjtë apo ndonjë kafshë tjetër.”.

Olivia murmuriti: “Gjërat nuk duken shumë në rregull, por këtu nuk ka kafshë, babi.”.

Babai u përgjigj: “Jo ato lloj kafshësh që pamë tek kopshti zoologjik, por Bibla e krahason Satanin me një luan vrumbullues dhe ajo që ne shohim këtu tregon disa nga dëmet që ai mund të shkaktojë. Shumë shtëpi shkatërrohen dhe shumë njerëz vdesin, por dëmi i shkaktuar prej mëkatit njerëzor është më i madh se sa dëmi që mund të shkaktojnë të gjitha kafshët e vendosura së bashku.”.

Pasi u mendua, Erjoni pyeti: “Domethënë, ti po thua se Satani është kafsha më e rrezikshme nga të gjitha?”. Babai iu përgjigj: “Pak a shumë, po. Ajo që po shohim këtu është e keqe, por Satani di edhe si t’i bëjë gjërat që të duken mirë. Për shkak të kësaj, shpesh njerëzit pëlqejnë ta provojnë atë që ai ofron. Kjo është e rrezikshme dhe shpesh të shkatërron jetën. Ne duhet të jemi vigjilentë dhe ta kundërshtojmë Satanin, pavarësisht se sa të mira ai i bën gjërat të duken.”.

Pasi e dëgjoi babanë, Erjoni tha: “Mirë. Do ta mbaj mend këtë dhe do t’ia kujtoj edhe Olivias.”. Olivia buzëqeshi dhe shtoi: “Do t’ia kujtojmë njëri-tjetrit.”.

A do të kishe frikë nëse do të shikoje një luan ose një ari? Ti duhet të kesh më shumë frikë nga librat dhe filmat që përmbajnë fjalë të pahijshme dhe sjellje të pamoralshme. Duhet të kesh frikë nga alkooli dhe droga që një shok mund të ta ofrojë për ta provuar. Madje duhet të kesh frikë edhe nga e ashtuquajtura “gënjeshtër e bardhë”, që duket e padëmshme. Këto janë gjëra që Satani i përdor duke u përpjekur të të shkatërrojë ty dhe të tjerët. Tregohu i zgjuar; qëndro larg mëkatit sa më shumë të mundesh.

Qëndro larg mëkatit!

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI