Lajmi Fundit
    prev next

    Qëllime të Perëndishme

    Tek Luka 9:62, Jezusi tha: “Asnjëri qė ka vënë dorë në parmendë dhe kthehet e shikon prapa, nuk është i përshtatshëm për mbretërinë e Perëndisë.” Jezusi po thotë se përkushtimet me gjysëm zemre nuk llogariten fare. Për të bërë një përkushtim të plotë para Perëndisë, qëllimisht duhet të shohim përpara.

    Qëllimet dhe ambiciet që ka bota kanë një tendencë të na zhgënjejnë. Nëse kemi një qëllim në jetë i cili është fokusi ynë në jetë, çfarë ndodh kur e arrijmë atë synim? Pas ngazëllimit të arritjes, biem në dëshpërim sepse nuk kemi më asgjë për të ndjekur. Nuk ka më vend për ambicie sepse e kemi përmbushur qëllimin që kishim.

    Por qëllimet hyjnore nuk sjellin zhgenjim, sepse punët e Mbretërisë nuk mbarojnë kurrë. Kur përkushtohemi t’i shërbejmë plotësisht Krishtit, do e kuptojmë  shpejt se qëllimet tona në këtë tokë janë të qëndrueshme. Shërbesa, lutja dhe dëshmia jonë nuk janë kurrë të plota. Gjithmonë ka më shumë për të bërë për lavdinë e Perëndisë, një marrëdhënie më e thellë që duhet pasur me Perëndinë dhe mrekulli të pafundme për t’i shpallur Perëndinë një boteje që ka shumë nevojë për Të (shih Psalmi 40:5; Jobi 9:10). Ne kemi një mision gjatë gjithë jetës sonë—të lavdërojmë Perëndinë dhe ta bëjmë Atë të njohur. Kemi një garë që na prêt dhe Perëndia dëshiron që ne të  fokusohemi të vrapojmë mirë, për të mirën tonë dhe për të mirën që Ai ka planifikuar të bëjmë në emrin e Tij.

    Çfarë ka nga e kaluara juaj që ju pengon të ecni përpara? Çfarë ju mban larg  nga vrapimi i garës me gjithë forcën tuaj? ” Ju vraponit bukur; kush ju ka penguar që të mos i bindeni së vërtetës? ” (Galatasve 5:7) Ndërsa shqyrton ëet e tua në këtë vit të ri, mos u zhyt në dështimet ose sukseset e së kaluarës. Por, lutuni për një dëshirë  nga Perëndia që të punoni për të ardhmen.

    Lutje: At, ndërsa pres me padurim në këtë vit të ri, lutem që të kem qëllime të perëndishme të cilat do të më mbajnë të fokusuar në të ardhmen, dhe jo në të shkuarën time. Lutem në emër të Jezusit. Amen.

    Dhe thanë: “Burra Galileas, pse qëndroni e shikoni drejt qiellit? Ky Jezus, që u është marrë në qiell nga mesi juaj, do të kthehet në të njëjtën mënyrë, me të cilën e keni parë të shkojë në qiell“. (Veprat 1:11).

    Këndvështrimi biblik!

    Këndvështrimi që keni për jetën do të influencojë mënyrën se si e jetoni atë. Nëse e jetoni jetën duke e parë nga këndvështrimi biblik, jeta juaj do të ketë kuptim më të thellë se sa kur e shihni atë me lupë pesimizmi. Tek Predikuesit 11-12, gjejmë konkluzionet përfundimtare të Solomonit për pikëpamjen e tij për jetën dhe mësimet që nxori. Sot do të shikojmë dy pika kryesore nga ata kapituj:

    Jeta është administrim; investoni me mençuri. (Shih Predikuesit 11:1-6.) Çdo gjë në jetë – jo vetëm pasuritë, por edhe familja, miqtë, marrëdhëniet, gjithçka që kemi – është një dhuratë nga Perëndia. Ai na besoi menaxhimin e të gjitha mirësive të Tij në emër të Tij. Ne nuk zotërojmë asgjë, por Ai na i ka dhënë për t’i menaxhuar për Të. E shihni, e gjithë jeta, tha Solomoni, është administrim, dhe prandaj ne duhet ta investojmë atë me mençuri.

    Jeta është një festë; kënaqu me të. (Shih Predikuesit 11:7-12:8.) Që ne të shijojmë jetën dhe ta shohim atë si një festë, ka tre gjëra që duhet të bëjmë: të gëzohemi (11:7-9), të largojmë (11:10-11 ), dhe të kujtojmë (12:1-8).

    Gëzohuni për çdo ditë. Imagjinojeni çdo ditë të re si një dhuratë të mbështjellë nga dora e Perëndisë dhe prisni me padurim të zgjoheni që t’a hapni atë dhuratë të mrekullueshme. Fillojeni  ditën tuaj me mirënjohje.

    Largoni hidhërimin, besimet e rreme, zakonet e këqija dhe marrëdhëniet e pakëndshme nga jeta juaj para se ato të rrezikojnë të ardhmen tuaj.

    Kujtoni praninë e vazhdueshme të Zotit. Kudo që të shkoni, Ai është me ju dhe ju vëzhgon. Mos harroni t’i bindeni Fjalës së Tij dhe të kërkoni së pari drejtësinë dhe Mbretërinë e Tij, sepse ky është sekreti i suksesit tuaj. Mos harroni ta vendosni Atë të parin në çdo vendim që merrni.

    Lutje: Atë, më ndihmo ta shoh jetën si një administrim për të investuar me mençuri dhe si  një festë që të gëzoj në të. Lutem në emër të Jezusit. Amen.

    “Gëzohu, pra, o i ri, në rininë tënde, le të gëzohet zemra jote në ditët e rinisë sate.” (Predikuesit 11:9).

    Pse themi Gëzuar Krishtlindjen!

    Sot, ka të krishterë të cilët besojnë se të qenit njeri i mirë është rruga drejt shpëtimit. Ata nuk e ndjejnë se kanë nevojë për dikë që t’i shpëtojë sepse mëkatet e tyre janë shumë të vogla. Mjafton që shkojnë në kishë dhe nuk kanë bërë kurrë mëkate “të mëdha”. E vërteta është se po humbasin pasi besojnë një gënjeshtër.

    Bibla thotë se secili prej 7.9 miliardë njerëzve që jetojnë sot ka lindur me mëkat. Ky mëkat na u transmetua gjenetikisht nga Adami dhe Eva – rrënja e një sistemi mëkati që ekziston në çdo person. Ashtu si Adami dhe Eva, duam t’i bëjmë gjërat sipas mënyrës tonë. Duam të drejtojmë jetët tona dhe Zotin ta adhurojmë vetëm me fjalë. E justifikojmë mëkatin tonë dhe minimizojmë pasojat e tij. Për shkak të turpit fshihemi nga Zoti dhe njerëzit. Në vend që të rrëfejmë mëkatin dhe t’i drejtohemi një Perëndie të dashur për çlirim, kapemi pas rrënjëve të hidhura të frytit helmues të mëkatit dhe humbasim në të.
    Perëndia dërgoi Birin e Tij Jezusin për të na çliruar nga të gjitha mëkatet tona. Perëndia e di se ne nuk mund ta të çlirohemi nga mëkati vetë. Ne jemi të përsosur dhe të plotësuar vetëm nëpërmjet besimit në veprën e përfunduar të Shpëtimtarit tonë të pamëkat, Jezu Krishtit.

    Në Krishtlindje, ne festojmë lindjen e Shpëtimtarit. Biri i përsosur, i pamëkat i Perëndisë erdhi nga qielli, jetoi një jetë të vëahtirë dhe vdiq në kryq. Ai derdhi gjakun e Tij dhe u ringjall në ditën e tretë për të provuar fuqinë e Tij mbi vdekjen dhe mëkatin.

    Ne themi, “Gëzuar Krishtlindjen”, sepse e dimë se mëkatet tona – e shkuara, e tashmja dhe e ardhmja – janë falur të gjitha kur vijmë tek Jezu Krishti. Lindja, vdekja dhe ringjallja e tij na kanë sjellë paqen me Perëndinë. Plani i tij i shpengimit është plot me mirësi ndaj njerëzve. Është një dhuratë që ne e festojmë, jo vetëm në Krishtlindje, por çdo ditë të jetës sonë.

    Lutje: Atë, faleminderit që sa herë them fjalët, “Gëzuar Krishtlindjen”, më kujtohet ajo që bëre për mua dhe dhuratën Tënde për botën. Lutem në emër të Jezusit. Amen.

    “Lavdi Perëndisë në vendet më të larta dhe paqe mbi tokë njerëzve mbi të cilët qëndron mirëdashja e tij!” (Luka 2:14)

    BESIM I SPROVUAR

    E gjithë bota është duke u përballur me një pandemi, e cila ka sjellë ndryshime të mëdha si asnjëherë më parë.  Tek Psalmi 11:3, fjala e Zotit thotë: Kur themelet janë shkatërruar, çfarë mund të bëjë i drejti? Shumë besimtarë po bëjnë të njëjtën pyetje sot. Edhe në këtë situatë që jemi duke u përballur, ne duhet të kemi shpresë,- shpresë që bazohet në premtimet e pandryshueshme të Zotit.

    Paqebërësit

    E gjithë bota është duke u përballur me një pandemi, e cila ka sjellë ndryshime të mëdha si asnjëherë më parë.  Tek Psalmi 11:3, fjala e Zotit thotë: Kur themelet janë shkatërruar, çfarë mund të bëjë i drejti? Shumë besimtarë po bëjnë të njëjtën pyetje sot. Edhe në këtë situatë që jemi duke u përballur, ne duhet të kemi shpresë,- shpresë që bazohet në premtimet e pandryshueshme të Zotit.

    Fokusi në jetë

    E gjithë bota është duke u përballur me një pandemi, e cila ka sjellë ndryshime të mëdha si asnjëherë më parë.  Tek Psalmi 11:3, fjala e Zotit thotë: Kur themelet janë shkatërruar, çfarë mund të bëjë i drejti? Shumë besimtarë po bëjnë të njëjtën pyetje sot. Edhe në këtë situatë që jemi duke u përballur, ne duhet të kemi shpresë,- shpresë që bazohet në premtimet e pandryshueshme të Zotit.

    Kur ankthi dhe pasiguria na rrethojnë, Zoti është ende në kontroll

    E gjithë bota është duke u përballur me një pandemi, e cila ka sjellë ndryshime të mëdha si asnjëherë më parë.  Tek Psalmi 11:3, fjala e Zotit thotë: Kur themelet janë shkatërruar, çfarë mund të bëjë i drejti? Shumë besimtarë po bëjnë të njëjtën pyetje sot. Edhe në këtë situatë që jemi duke u përballur, ne duhet të kemi shpresë,- shpresë që bazohet në premtimet e pandryshueshme të Zotit.

    Besim në betejë

    Frika është armiku i madh i besimit dhe pothuajse solli shkatërrimin e popullit të Zotit. Pasi Zoti i shpëtoi Izraelitët nga skllavëria në Egjipt, ata u gjetën me shpinë në Detin e Kuq, përballë qerreve të fuqishme të Egjiptit. Ata ishin zënë në kurth, me sa duket pa asnjë rrugëdalje.

    Tetori: Muaji i Nderimit të Pastorëve

    Muaji i Nderimit të Pastorëve është një kohë e veçantë ku kishat nderojnë familjet pastorale për përkushtimin e tyre sakrifikues dhe për bekimet e shumëfishta që marrin prej tyre.
     Page 1 of 3  1  2  3 »