Në të vërtetë po ju them: në qoftë se nuk ktheheni dhe nuk bëheni si fëmijët e vegjël, ju nuk do të hyni fare në mbretërinë e qiejve ( Mateu 18:3)

 Për vite me rradhë Nënë Tereza, ju dedikua tërësisht personave të dëshpëruar që jetonin në Kalkuta. Ajo punoi në mes të njerëzve më të varfër.  E vlerësuar me çmimin Nobel, kjo shenjtore e pajisur me dhunti, ndihmoi burra dhe gra që të jetonin me kurajë dhe dinjitet.  Një grup njerëzish kishin ardhur për të vizituar Kalkutën. Përpara se të largoheshin, një prej tyre  i tha  Nënë Terezës, “ Na thuaj diçka që do të na ndihmojë ta jetojmë më mirë jetën tonë.”

Ajo u përgjigj, “ Buzëqeshini njëri-tjetrit.  Nuk ka rëndësi kë keni përballë. Kjo do t’iu ndihmojë që të keni shumë dashuri për njëri-tjetrin.”  E pastaj një prej tyre e pyeti, “ A je e martuar?” E ajo u përgjigj, “ Po, ndonjëherë është e vështirë për mua t’i buzëqesh Jezusit.”

A dëshiron që të bësh një ndryshim në zyrën, në lagjen apo në shtëpinë tënde? Buzëqesh! Përpiqu që të shpërndash dashurinë e Jezusit me anë të një buzëqeshje të  vërtetë.  Ndihesh sikur e ke të vështirë të buzëqeshësh?  Ka raste kur asnjë nuk mundet. Ndonjëherë edhe unë nuk mundem. E megjithatë ti mund të mësosh se si të buzëqeshësh.  Mjekët thonë se sforcohen  më pak muskuj kur buzëqesh, sesa kur vrenjtesh. Buzëqeshja është një reflektim i gëzimit që është në zemrën tënde dhe kjo nuk varet nga rrethanat e tua.

Shekuj më parë, Apostulli Pal shkroi, “Por fryti i Frymës është: dashuria, gëzimi, paqja…” ( Galatasit 5:22-23) e ai vazhdoi, duke përmendur 9 virtytet e frymës, apo cilësitë e një jete të mbushur me Frymën e Shenjtë, që duhet të gjenden tek çdo fëmijë i Perëndisë.  Buzëqeshja është reflektimi i gëzimit në jetën tënde. Ti mund t’i buzëqeshësh dikujt- bashkëshortit tënd,  fëmijës tënde, e madje edhe shefit tënd edhe  kur ai e meriton diçka shumë më pak se një buzëqeshje. Ti mund të buzëqeshësh kur jeta të rrëzon, ngrihu në emër të Jezusit dhe buzëqesh.

A do të thotë kjo se ti pretendon të jesh dikush që nuk je? Jo, aspak. Kjo do të thotë që ti je tërësisht në kontroll të rrethanave, sepse Krishti është tërësisht në kontroll të jetës tënde. Ti e fillon ecjen në jetën e Krishterë  duke dëgjuar zërin e Zotit tënd të thotë “ Më ndiq mua!” Ai nuk ka thënë asnjëherë “ Nëse të pëlqen vendi ku do të çoj, atëherë buzëqesh.” Në vend të kësaj, Ai të ka kërkuar që t’i besosh Atij dhe të ecësh në gjurmët e  Tij, duke i lënë rrethanat tërësisht në drejtimin e Tij.

Ti asnjëherë nuk mund të buzëqeshësh kur ke frikë. Nuk mund të buzëqeshësh kur ke një zemër të mbushur plot me dyshime. Nuk buzëqesh kur je i shqetësuar, e është e vështirë të  buzëqeshësh kur je i lënduar; por  buzëqeshja jote mund t’i largojë këta armiq të errët të kënaqësisë.

Më lejo që të hap zemrën time me ty për një çast. Nëse je i Krishterë, Perëndia dëshiron që jeta jote të jetë e mbushur me prezencën e Tij, e Bibla e përshkruan këtë si një jetë të mbushur me Frymën e Tij. Ai dëshiron që dashuria, gëzimi dhe paqja të mbushin jetën tënde. Jeta është shumë e shkurtër për ta jetuar atë më shqetësim, me frikë, me trazirë  që pushton çdo hap që ti bën. Nëse e ke humbur buzëqeshjen dhe gëzimin në zemrën tënde, përse të mos ndalesh dhe të thuash, “ Perëndi, bëj diçka për mua sepse e kam humbur gëzimin e shpëtimit tënd,” e do të shohësh se Perëndia ka për të prekur zemrën tënde. Atëherë ti do të buzëqeshësh pa u sforcuar, pa hipokrizi. Mund të shohësh lart dhe t’i besosh Atij, sepse Perëndia ende po punon që gjithë gjërat të bashkëveprojnë për mirë për ata që e duan Atë dhe që ecin në gjurmët e Tij.”

Po, nënë Tereza kishte të drejtë- ndonjëherë është e vështirë që të buzëqeshësh, por buzëqeshja reflekton një zemër të mbushur me gëzim, e vetëm për këtë ja vlen të shqetësohemi. Asgjë nuk e ngroh më shumë një marrëdhënie, siç bën një buzëqeshje që vjen  nga zemra. Po, një këshillë e mirë. Mëso të buzëqeshësh. Ky është ilaç për shpirtin.

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI