Lajmi Fundit
prev next

Ndërsa Rusia pushton Ukrainën, pastorët shërbejnë, luten … dhe qëndrojnë fort!

Sot, kur Rusia filloi sulmet mbi Ukrainën, duke përparuar drejt Kievit, një kishë -shtëpi baptiste u shkatërrua dhe pjesëmarrësit e një seminari u tronditën nga shpërthimet aty pranë. Burimet lokale i raportuan CT, se asnjë kishë apo ndërtesë e krishterë nuk ishte sulmuar deri më tani. Presidenti Vladimir Putin njoftoi se pikësynimi i tij ishin vetëm bazat ushtarake. Ai pohoi gjithashtu se Ukraina nuk ekziston fare si një komb i vërtetë. Igor Bandura, nënkryetar i Unionit Baptist, organizata më e madhe protestante në Ukrainë, raporton për dëme në një shtëpi -kishë Baptiste në Donetsk gjatë një takimi në Zoom me 25 bashkëbesimtarët e tij rajonalë.

Edhe një mungesë tjetër. Në vijën e frontit të rajonit lindor të Donbasit, drejtuesi baptist nga territori i pushtuar i Luhansk nuk mundi të na bashkohej. Por nga qyteti i Chasov Yor në vijën e frontit në Donjetskun fqinj – zonë e cila është ende nën kontrollin e qeverisë ukrainase – Bandura ka bërë një vlerësim lokal. “Njerëzit nuk duan të jenë nën kontrollin rus,” tha ai. “Por ata ndihen të pafuqishëm.

Çfarë mund të bëjnë njerëzit e zakonshëm?” Lutuni. Dhe qëndroni të qetë. Ky ishte mesazhi i dhënë nga Këshilli i Kishave dhe Organizatave Fetare të Ukrainës (UCCRO), një ditë pasi apeli i tij drejtuar Putinit nuk mori përgjigje. Udhëheqësi i Kishës së Ukrainës ftoi drejtuesit e krishterë të lexonin së bashku Psalmin 31. “Ju lutemi qëndroni të qetë, mos u dorëzoni, mos u frikësoni dhe respektoni urdhrat e autoriteteve shtetërore dhe ushtarake të Ukrainës”, thuhet në UCCRO. “E vërteta dhe komuniteti ndërkombëtar janë në anën e Ukrainës.

Ne besojmë se e mira do të fitojë, me ndihmën e Zotit.” Mijëra ukrainas u larguan drejt perëndimit ndërsa raketat ruse goditën objektiva të caktuara në të gjithë vendin. Ministria e Punëve të Brendshme të Ukrainës raportoi qindra raste sulmesh. Presidenti Volodymyr Zelenski njoftoi nëpërmjet një videoje vetëm fare pak pas mesnate se 137 ukrainas vdiqën gjatë ditës së parë të pushtimit. “Ata po vrasin njerëz dhe po i transformojnë qytetet tona paqësore në objektiva ushtarake,” tha ai, sipas The Neëw York Times. “Kjo është barbaritet dhe nuk do të falet kurrë.” Valentin Siniy, president i Institutit të Krishterë Tavriski (TCI) në Kherson, rreth 50 milje larg Krimesë, iu desh të anullonte seminarin biblikë ndërsa helikopterët rusë sulmonin objektivat lokale.

“Shumica e pastorëve të vjetër të kishave qëndruan në qytetete tyre. Por evakuan të rinjtë,” tha ai për CT. “Blemë një furgon me 20 vende për të evakuar njerëzit. Rreth 30 persona janë strehuar në një vend të sigurt, në Ukrainën perëndimore. Rreth 40 të tjerë po lëvizin drejt perëndimit me automjete që janë në gjendje të amortizuar.” Ndërkohë kisha e tij ka hapur bodrumin për të strehuar fqinjët që jetojnë në ndërtesa shumëkatëshe. “Unë dhe të gjithë drejtuesit po qëndrojmë në Kiev,” tha Yuriy Kulakevych, drejtor i punëve të jashtme të Kishës Pentekostale të Ukrainës. “Dhe vazhdojmë të ndërmjetësojmë, flasim me njerëzit për ti qetësuar dhe për t’u ardhur në ndihmë atyre në nevojë.” 145 milje në jug të Ukrainës,në Kamyanka, Vadym Kulynchenko nga Kisha Trashëgimia jonë raportoi se kisha ka hapur dyert për refugjatët nga lindja.

Do të sigurohet strehim i përkohshëm dhe nevojat bazë si ushqime, ilaçe, karburant, produkte higjienike dhe dyshekë me ajër. Tre bombat goditën tre qendra infrastrukturore në qytetin e tij. “Ju lutemi lutuni për besimtarët në vend, siguri për njerëzit tanë dhe të tregojmë bujari me njëri tjetrin,” shtoi Kulynchenko. “Dhe gjithashtu për dallim, pasi ka shumë lajme të rreme.” Seminari Teologjik i Kievit (KTS) kishte nxjerrë komë më parë një paralajmërim të përgjithshëm. “Shtimi i panikut përmes përhapjes së informacioneve të rreme manipuluese është pikërisht ajo që kërkon armiku”, shkroi të martën një professor i dëgjuar.

“Kjo luftë nuk është vetëm për territoret tona, por shpirtin dhe mendjen tonë.” Të enjten, KTS citoi Isaian 41:10 duke u kërkuar besimtarëve nëpërmjet Facebook-ut të mos frikësohen, por të kujtojnë sa herë Zoti e përmend në Fjalën e Tij ‘mos ki frikë’.” Seminari nxorri në pah se frika con në paralizë, ndërsa lutja , besimi te Perëndia dhe dashuria për të afërmin të japin forcë. Me një “zemër hekuri”, Taras Dyatlik u shkroi mbështetësve të shkollës teologjike të luten për nevojat me të cilat përballen aktualisht drejtuesit e Kishës në Ukrainë, duke përfshirë dhe refugjatët që ata vetëkanë strehuar. “Shumë prej tyre po mendojnë për evakuimin e punëtorëve, studentëve nga fakultetet e Ukrainës, por disa të tjerë nuk kanë se ku të shkojnë,” shkroi drejtori rajonal i Këshillit të Jashtëm për Evropën Lindore dhe Azinë Qendrore.

Ai kërkoi lutje për familjet, duke përfshirë edhe të tijën, pasi njoftimi i autoriteteve të Ukrainës për mobilizim total do të thotë që shumë studentë, të diplomuar, do të thirren për të shërbyer në ushtri dhe për të marrë pjesë në luftime”. Ndaj ai kërkoi lutje për bashkëshortet e udhëheqësve meshkuj. Meqenëse të gjithë burrat e moshës 18 deri në 60 vjeç nuk lejohen më të largohen nga vendi, ai tha se shumë gra po qëndrojnë gjithashtu. “Sot fola me gruan time për largimin nga Ukraina,” shkroi Dyatlik. “por ajo menjëherë refuzoi dhe më tha: “do të rri me ty deri në fund”. Studentët në Seminarin Teologjik Ungjillor të Ukrainës (UETS) jashtë Kievit u udhëzuan të strehoheshin në vend teksa ushtria luftonte në një aeroport aty pranë, sipas drejtorit të shërbimit të gjuhës angleze të shkollës, Josh Tokar. Studentët janë të frikësuar, por jo në panik, tha ai.

Presidenti i seminarit dërgoi një mesazh nga Psalmi 27:1 “Zoti është drita ime dhe shpëtimi im – nga kush do të kem frikë?” Bandura nuk iu bashkua thirrjes për qetësi. “Kush je ti që thua se kombi ynë nuk ekziston?” tha ai për retorikën e Putinit. “E vërteta është me ne dhe Zoti është me ne. Ne duam të jetojmë në paqe, por nëse Rusia dëshiron të na marrë kombin, le të luftojmë”. Edhe pse disa ukrainas mbajnë anën e Rusinsë, tha ai, gjysma e popullsisë është gati të mbrojë vetë kombin e saj. Kemi parë foto të gjysheve të armatosura.

Një sondazh i fundit i CNN, ndërkohë, zbuloi se 13 për qind e ukrainasve ishin në favor të përdorimit të forcës nga Rusia për të ribashkuar dy kombet. Vetëm 36 për qind e rusëve ishin pro kësaj dhune. (73 përqind dhe 43 përqind ishin kundër.) Aleanca Ungjillore Ruse (REA) mbështeti thirrjen e UCCRO-së për negociata paqebërëse. “Të gjithë të krishterët ungjillorë luten çdo ditë dhe i kërkojnë të Plotfuqishmit që t’u japë urtësi,” tha Vladimir Vlasenko, sekretari i përgjithshëm i REA, “për të ruajtur paqen e brishtë dhe për të mos zhytur vendet tona në një konflikt më të thellë vëllavrasës”. “Ne nuk shohim asnjë justifikim për këto veprime dhe jemi thellësisht të shqetësuar për vdeekjet , shkatërrimet, kaosin dhe mjerimin që do të mbulojë këtë vend,” tha Thomas Bucher, sekretari i përgjithshëm i Aleancës Ungjillore Evropiane, sipas Evangelical Focus. “Pushtimi i Ukrainës është i pajustifikuar dhe i paprovokuar”, tha ai. “Është pretenduar se sulmi është i nevojshëm për të mbrojtur rusët etnikë brenda Ukrainës dhe për të frenuar kërcënimet ë Ukrainës ndaj Rusisë.

Por asnjëra nga këto nuk është e vërtetë. Egjithë kjo fatkeqësi është provokuar nga Presidenti Putin për qëllime më të gjera gjeopolitike.” Në Rivne në Ukrainën perëndimore, zyrtarët lokalë urdhëruan që të gjitha kishat të qëndrojnë të hapura, dhe drejtuesit të kordinojnë grupet e ndihmës së popullsisë si dhe pajisjeve ushtarake sipas nevojës. Shumë ukrainas po bëjnë cfarë të munden. “Lutja jonë sot është që të bëhet vullneti i Zotit në Tokë ashtu siç është në Qiell”, tha Siniy. “Ndaj inkurajoj gjithë stafin tim dhe udhëheqësit e tjerë të krishterë që misioni ynë të mbetet i njëjtë edhe nëse do na duhet të ndryshojmë gjeografinë.” Stafi i New Life Radio ( RadioJetë e Re) në Odessa, në bregun e Detit të Zi, panë raketat të kalonin pranë shtëpive të tyre.

Ata i thanë Evangelical Focus( Fokusit të Krishterë) se po ndërmarrin veprime për të fshehur pajisjet dhe për të bërë të mundur transmetimin, në rast se stacioni bastiset në një të ardhme të afërt. Vasyl Ostryi, pastor i Kishës Biblike Irpin, 18 milje në veriperëndim të Kievit dhe profesor i shërbesës së të rinjëve në KTS, ka vendosur të qëndrojë. “Kur kjo të përfundojë, qytetarët e Kievit do të kujtojnë se si të krishterët kanë reaguar në kohë nevoje,” shkroi ai për Koalicionin e Ungjillit. “Ne do t’i strehojmë të dobëtit, do t’u shërbejmë atyre që vuajnë dhe do ti mjekojmë. Në cdo gje që do bëjmë, do u ofrojmë shpresën e palëkundur të Krishtit dhe ungjillit të tij.” YouVersion ka vënë re një rritje midis përdoruesve ukrainas dhe rusë të aplikacionit të tij të njohur Bibla gjatë tre javëve të fundit: kërkimet e vargjeve per friken u rritën me 11 përqind; ndërsa ato për paqe me 44 për qind.

“Në fillim të 2022 botuam shumë Bibla dhe edhe pse jemi në muajin e dytë të vitit dhe stoku në magazinë pothuajse është zhdukur,” tha për Eternity Neës, Anatoliy Raychynets, zëvendëssekretari i përgjithshëm i Shoqatës Biblike të Ukrainës, pak para pushtimit. “Në kishat tona – qofshin ato ortodokse, katolike, protestante apo ungjillore – ka më shumë njerëz të rinj. Jo vetëm të dielave apo të shtunave, por edhe gjatë javës”, tha ai për shërbimin e lajmeve të Shoqërisë Biblike Australiane. «Edhe në studimet biblike kemi të rinj të cilët duan të luten, të dëgjojnë diçka që sjell shpresë ose ngushëllim.” Rick Perhai, drejtor i masterave në KTS, tha se kisha ndërkombëtare që ai drejton në Kiev ka rekomanduar qëtë mblidhen këtë të djelë dhe të adhurojnë së bashku. Disa nga anëtarët e tyre emigrantë janë larguar; e të tjerët duan të qëndrojnë dhe t’i bashkohen luftës. Ai thekson se ndërsa armiku po kërkon të shkatërrojë Ukrainën ,të krishterët e saj po cojnë ungjillin në kombet përreth. Megjithatë, ai po lutet për rusët, që të pendohen para Zotit.

Por edhe kërkesa e tij nuk është e përshtatshme. “Lutuni që kombi i Rusisë të lodhet nga ofendimet e pafundme të tiranëve të tyre brenda dhe jashtë vendit,” tha Perhai, “dhe që të largohen”. Dyatlik gjithashtu kërkoi lutje për “të vërtetën”, duke përmendur të gjitha “perspektivat” në media. “Ne nuk kemi kërkuar luftë. Kremlini dhe Vladimir Putin e sollën luftën në Ukrainë. … dhe ka një ndëshkim moral për akte barbare të tilla”, shkruante pedagogu teologjik. “Këto akte janë të përmendura edhe në Bibël. Ju lutemi lutuni për aftësinë dalluese shpirtërore rreth këtyre gjërave.” Dyatlik e mbylli letrën e tij të lutjes me kërkesa për besimtarët ukrainas dhe rusë: Ju lutemi, lutuni për të krishterët rusë që ata ngrejnë zërin e tyre ndaj qeverisë ruse për të ndaluar agresionin; që ata nuk do të heshtin; dhe lutuni edhe për qeveritë perëndimore, të SHBA-së dhe Bashkimit Evropian.

Së fundi, ju lutemi lutuni për të krishterët ukrainas, që ne të shërbejmë dhe të jetojmë si komunitet që shpërndan dashurinë e Perëndisë; që gjatë këtyre kohëve të tmerrshme do të ftojmë gjithnjë e më shumë njerëz të njohin Perëndinë dhe ti bashkohen Kishës, si një komunitet plot dashuri, shpresë, inkurajim, mbështetje; që mendjet dhe karakteret tona do të transformohen në karakterin e Jezu Krishtit. Vendet perëndimore e kanë dënuar ashpër Putinin dhe kanë përgatitur sanksione. Qarkulluan raporte për rusët që rreshtoheshin në ATM për të tërhequr paratë e tyre, nga frika se vendi do të shkëputej nga sistemi bankar ndërkombëtar.

Ndërkohë në Donjetsk, ku 25 ekipe misionare kanë punuar për të ngritur kishat, ka radhë të gjata për furnizim me karburant prej pesë gallonash. Raftet e marketeve janë të zbrazura dhe qytetarët kanë grumbulluar ushqimet në rast nevoje.

Bandura kërkon dy kërkesa lutjeje. “Që Zoti të ndalojë Rusinë të mos sulmojë më,” tha ai. “Dhe për paqe për t’u përgjigjur armikut sic Krishti do bënte dhe jo nga urrejtja jonë njerëzore.”
Marre nga gazeta CT Christian Today.

Ruslan Kukharchuk: Ukraina në ditën e tretë të mbrojtjes së saj

Ruslan Kukharchuk nga Ukraina, themelues i organizatës “ Novo Media” tregon: Kishte më shumë dhimbje dhe tmerr në ato 72 orë sesa në 30 vitet e pavarësisë sonë. Heroizëm dhe bema në të njëjtën kohë. Deri më tani janë shkatërruar 14 avionë rusë, 8 helikopterë, 102 tanke, më shumë se 500 ACV, 15 topa të llojeve të ndryshme dhe një BUK. Dhe këto shifra ndryshojnë nga ora në orë. Dhe pjesa më dramatike… Më shumë se 3500 ushtarë rusë janë asgjesuar në Ukrainë gjatë këtyre tre ditëve.

Dhe kanë qënë ushtarë të të gjitha kategorive, trupat e specializuara, njerëz të thjeshtë si dhe trupa të OMON-it dhe Rosgvardian. Si ushtarë edhe oficerë, janë kapur rreth 200 robër. Si ushtarë, ashtu edhe oficerë, përfshirë nënkolonelë. Aktualisht po ushqehen, trajtohen mirë dhe plani është t’ua kthejnë familjeve të tyre. Në tre ditë populli ukrainas ka mundur më shumë pushtues rusë se sa humbi i gjithë Bashkimi Sovjetik në katër vite luftë në Afganistan.

Dhe më shumë se sa Rusia humbi në tetë vite luftë në Siri. Dhe e gjitha kjo – në tre ditë. Dhe gjithçka sepse në Ukrainë nuk është ushtria ajo që është në luftë – janë njerëzit ata që po luftojnë në Ukrainë. Sepse tani ushtria dhe populli janë bërë një, si një trup i vetëm. Dhe ky popull ka një motiv të qartë. Ose e thënë më saktë: të mbrojnë tokën e tyre mëmë, të shpëtojnë shtëpitë e tyre, dhe të dëbojnë pushtuesit. Dhe gjithashtu… 73% e elektoratit kanë votuar për presidentin aktual të Ukrainës, Volodymyr Zelensky, me zgjedhje krejtësisht të ndershme.

Tani britanikët dhe amerikanët po i ofrojnë atij, evakuimin mes një sulmi aktiv në Kiev. Por ai refuzoi largimin nga vendi dhe kërkon armatim më të mirë. Mendoj se nuk gaboj shumë kur them se 99 % e popullsisë e nbështet Komandantin e Përgjithshëm actual të Ukrainës. E njëjta gjë vlen dhe për forcat e armatosura. Duke parë se çfarë po ndodh, popullsia civile e Ukrainës po përballet me: tmerr (nga mizoria e çmendur e pushtuesve rusë) dhe kënaqësi (nga veprimet e udhëheqjes së lartë të Ukrainës dhe forcave të saj të armatosura).

Nuk mund të parashikojmë rezultatin përfundimtar. Por një gjë mund ta themi me siguri: e vërteta është për ne, dhe heronjtë janë me ne. Ruslan Kukharchuk nga Ukraina, themelues i organizatës “ Novo Media”.

A po jetojmë fundin e kohërave biblike? Çfarë thotë Shkrimi për Gogun, Magogun dhe Kaosin Rus?

Ndërsa Rusia vazhdon me pushtimin e paprovokuar mbi kombin sovran të Ukrainës, paralajmërimet politike janë të shumta.

Të mërkurën e kaluar Ministri i Jashtëm i Ukrainës Dmytro Kuleba u tha Kombeve të Bashkuara se një luftë e drejtpërdrejtë me Rusinë do të ishte “fundi i rendit botëror”. Shumë po mendojnë se cilat janë pasojat e akteve kokëforta dhe të rrezikshme të presidentit rus Vladamir Putin për të ardhmen e çështjeve ndërkombëtare e më gjerësisht.

Megjithatë, mes gjithë këtij shqetësimi, në të cilin bota është përfshirë, për teologët nuk është diçka e re sepse është folur për dekada të tëra perfshirja e Rusisë në fundin e kohërave biblike.

A është fundi i Botës afër? A janë aktet e dhunshme të Rusisë pjesë e peizazhit eskatologjik? Çfarë do të thotë e gjithë kjo? Këto janë vetëm disa nga pyetjet që rrotullohen në mendjen e gjithsecilit.

A është Rusia shkaktari kyç i fundit të botës?

Shumica e studiuesve të Biblës i kushtojnë rëndësi të veçantë këtyre çështjeve dhe janë të kujdesshëm që të mos mbivlerësojnë ose të nxjerrin përfundime të nxituara për kombe dhe ngjarje të ndryshme edhe pse kanë dalë në pah teori të qëndrueshme që ia vlen të eksplorohen.

Një ndër autorët që ka hulumtuar profecitë e Dhiatës së Vjetër në lidhje me fundin e botës, është Joel Rosenberg I cili theskson mundësinë e përfshirjes së Rusisë në inicimin e tij. Disa vite më parë Rosenberg publikoi një postim në blogun e tij, në të cilin diskuton ngjarjet botërore që kanë të bëjnë me shkrimet e Ezekielit, një ndër profetët biblik.

“Profeti Ezekiel shkroi 2500 vjet më parë se në “ditët e fundit të botës, Rusia dhe Irani do të krijojnë një aleancë ushtarake për të sulmuar Izraelin nga veriu”, shkruante Rosenberg. Studiuesit e Biblës i referohen këtij konflikti eskatologjik, të përshkruar te Ezekieli 38–39, si ‘Lufta e Gogut dhe Magogut’.

Teksti flet për një “Gog, në vendin e Magogut” dhe tregon jo vetëm një betejë, por një fitore të Zotit para syve të botës. Ezekieli 38:14-16 thotë:

” Prandaj, bir njeriu, profetizo dhe i thuaj Gogut: Kështu thotë Zoti, Zoti: Atë ditë, kur populli im i Izraelit do të jetë i sigurtë, a nuk do ta dish ti?”. Do të vish nga banesa jote, nga skajet e veriut, ti dhe shumë popuj me ty, të gjithë të hipur mbi kuaj, një turmë e madhe dhe një ushtri e fuqishme. Do të dalësh kundër popullit tim tė Izraelit, si një re që mbulon vendin. Kjo ka për të ndodhur ditët e fundit: do të të çoj kundër vendit tim me qëllim që kombet të më njohin, kur të shenjtërohem te ti përpara syve të tyre, o Gog”.

Çfarë është Gogu dhe Magogu?

Sigurisht që ka shumë mendime rreth Gogut, Magogut dhe temave tepër komplekse në këto pasazhe biblike. GotQuestions është një nga mediat që është përpjekur t’a shpjegojë këtë temë në lidhje me Rusinë.

“Gogu është individ. Kushdo qoftë Gogu, ai është nga vendi i Magogut dhe është udhëheqësi i Tubalit dhe Meshekut (disa përkthime shtojnë ‘Rosh’ në listë) dhe i një sërë kombesh të tjera si: Persia, Kushi, Puti, Gomeri dhe Beth Togarmah (Ezekieli 38:5–6),” – shkruhet në artikull. Dhe, kushdo qoftë ai, ka planifikuar ‘të sulmojë një popull paqësor dhe të padyshimtë, dmth, Izraelin (vargjet 11, 14 dhe 18). Por, pavarësisht nga planet e Gogut, Zoti Perëndi është kundër tij dhe do ta mposhtë atë plotësisht (Ezekieli 38:4, 19-23; 39:3-5).

Kjo është një përmbledhje mjaft koncize e asaj që besohet se po ndodh në këtë tekst. Por me të drejtë mund të pyesni: Pse nga kaq shumë kombe, besohet që Rusia të jetë Magogu?

Nëse do të shikoni hartën në veri (Shkrimet e Shenjta thonë se Gogu vjen nga “veriu i largët”), do të shihni se ndodhet Rusia dhe territoret ish-sovjetike. Pra, nuk është për t’u habitur që shumë studiues të Biblës i referohen këtij rajon.

Një komb tjetër që vlen të përmendet “Persia”, e listuar si aleate e Magogut, është Irani i sotëm. Duke marrë parasysh çështjet aktuale dhe trajektoret, ngrihen shumë pikpyetje mbi të.

Askush nuk e di as Ditën dhe as Orën.

Edhe pse këto tema janë të ndërlikuara. Dr. Roger Barrier, pastor tashmë në pension nga Kisha Casas në Tucson, Arizona, ka nënvizuar diçka thelbësore për të

cilën kemi nevojë të kujtojmë kur eksplorojmë fundin e botës: “Perëndia nuk ka zgjedhur të na japë të gjitha detajet në lidhje me kohët e fundit.”

Kështu, disa nga detajet janë të turbullta dhe ka shumë për të distiluar.

Ndonjëherë, nuk do të jemi në gjendje të kemi përgjigje përfundimtare për ngjarjet aktuale, e sidomos kur bëhet fjalë për ngjarje si pushtimi i Ukrainës nga Rusia. Kështu, Barrier ka vënë në dukje se të kuptuarit tonë në lidhje me atë se çfarë thotë Bibla për eskatologjinë mund të na ndihmojë të kuptojmë plotësisht Shkrimin dhe të jetojmë jetë të shenjtë.

E thënë troç fare: është e frytshme të eksplorosh Shkrimin dhe të kuptosh se çfarë tregojnë tekstet biblike.

Siç e përmendëm, Rosenberg, autor i “Komplotit të Kremlinit”, së bashku me një mori romanesh dhe librash të tjerë joshkencorë, i ka eksploruar këto çështje në intervista kombëtare dhe ndërkombëtare pikërisht për këtë arsye: për të ndihmuar besimtarët të zhyten dhe kuptojnë Fjalën e Zotit.

Ai ka pohuar vazhdimisht se askush nuk e di se kur do të vijë fundi i botës, por se disa shenja biblike ia vlen të eksplorohen.

“Nuk e di se kur, nuk kam një datë… por nëse shikon të gjitha profecitë… do habiteni”, tha ai për Pure Flix në një intervistë të vitit 2018. “Bota është në kaos…. dhe shekullin e kaluar u masakruan aq shumë të krishterë sa historia njerëzore nuk ka përjetuar më parë – dhe kjo do të thotë diçka, sepse masakrimi vazhdon.”

Rishfaqja e Izraelit

Një ndër profecitë kritike është ajo e përshkruar tek Ezekieli 36–39 ku flitet për rishfaqjen e Izraelit, diçka që u shpalos në vitin 1948 kur shteti hebre kishte u njoh nga bota.

Ezekieli 36 flet për rivendosjen e Izraelit pasi hebrenjtë u shpërndanë nëpër botë – diçka që Perëndia profetizon se Ai do të bëjë për Emrin e Tij të Shenjtë. Në vargjet 24-32 lexojmë se:

“Do t`ju marr nga kombet, do t`ju grumbulloj nga tërë vendet dhe do t`ju çoj përsëri në vendin tuaj. Do të lëshoj pastaj ujë të pastër mbi ju dhe do të jeni të pastër; do t`ju pastroj nga të gjitha ndyrësirat tuaja dhe nga të gjithë idhujt tuaj. Do t`ju jap një zemër të re dhe do të shtie brenda jush një shpirt të ri; do të heq nga mishi juaj zemrën prej guri dhe do t`ju jap zemër prej mishi. Do të vë brenda jush Shpirtin tim dhe do të bëj që ju të ecni sipas statuteve të mia, dhe ju do tė respektoni dhe do të zbatoni në praktikë dekretet e mia. Do të banoni në vendin që u dhashë etërve tuaj; ju do të jeni populli im dhe unë do të jem Perëndia juaj. Do t`ju çliroj nga të gjitha ndyrësirat tuaja; do të thërres grurin, do të bëj që të ketë me bollëk dhe nuk do dërgoj më urinë kundër jush. Do të shumoj frytin e drurëve dhe prodhimin e arave, me qëllim që të mos pësoni me turpin e urisë midis kombeve. Atëherë do të kujtoni rrugët tuaja të këqia dhe veprimet tuaja që nuk ishin të mira dhe do të bëheni të neveritshëm për vetë sytë tuaj, për paudhësitë tuaja dhe për veprimet tuaja të neveritshme. Nuk është për hatrin tuaj që unë veproj”, thotë Zoti, Zoti, “dijeni mirë këtë. Turp të keni dhe qofshi të hutuar për shkak të rrugëve tuaja, o shtëpi e Izraelit”.

Edhe pse shumë studiues të Biblës besojnë se rishfaqja e Izraelit është përmbushur, Rosenberg dhe disa të tjerë pretendojnë se profecia e Gogut dhe Magogut nuk është plotësuarakoma.

“Në ditët e fundit udhëheqësi i djallëzuar i Rusisë do të krijojë aleancë me Iranin, Turqinë dhe vende të tjera armiqësore dhe do të rrethojnë dhe sulmojnë Izraelin në”, tha ai.

Disa mund të pyesin nëse po flet për Putinin dhe Rusinë e ditëve të sotme, por Rosenberg u tregua i kujdesshëm dhe tha se ka të ngjarë që këto ngjarje të jenë qindra vjet larg – ose dhe mbase më afër. Bibla nuk specifikon datën dhe të krishterët janë të lutur të mos caktojnë datë.

E thënë kështu, Rosenberg na paralajmëroi për Putinin që në vitin 2018 dhe është tepër magjepsëse duke marrë parasysh ngjarjet që po shohim të zhvillohen këtë javë.

“Vladimir Putin është më i rrezikshëm për Shtetet e Bashkuara dhe mënyrën tonë të jetesës sesa vetë isalmi”, tha ai. “Dhe nuk mendoj se shumica e amerikanëve e marrin në konsideratë.”

Pra, a është kaosi në Ukrainë fillimi i fundit të botës? Askush nuk e di, por duke marrë parasysh çështjet e vazhdueshme ndërkombëtare që rrethojnë Izraelin, Iranin dhe Rusinë, një gjë është e sigurt se shumë të krishterë dhe teologë do t’i vëzhgojnë nga afër.

Marrë nga CBN News
https://www1.cbn.com/cbnnews/cwn/2022/february/are-we-living-in-the-biblical-end-times-what-scripture-says-about-gog-magog-and-russian-chaos

Pse themi Gëzuar Krishtlindjen!

Sot, ka të krishterë të cilët besojnë se të qenit njeri i mirë është rruga drejt shpëtimit. Ata nuk e ndjejnë se kanë nevojë për dikë që t’i shpëtojë sepse mëkatet e tyre janë shumë të vogla. Mjafton që shkojnë në kishë dhe nuk kanë bërë kurrë mëkate “të mëdha”. E vërteta është se po humbasin pasi besojnë një gënjeshtër.

Bibla thotë se secili prej 7.9 miliardë njerëzve që jetojnë sot ka lindur me mëkat. Ky mëkat na u transmetua gjenetikisht nga Adami dhe Eva – rrënja e një sistemi mëkati që ekziston në çdo person. Ashtu si Adami dhe Eva, duam t’i bëjmë gjërat sipas mënyrës tonë. Duam të drejtojmë jetët tona dhe Zotin ta adhurojmë vetëm me fjalë. E justifikojmë mëkatin tonë dhe minimizojmë pasojat e tij. Për shkak të turpit fshihemi nga Zoti dhe njerëzit. Në vend që të rrëfejmë mëkatin dhe t’i drejtohemi një Perëndie të dashur për çlirim, kapemi pas rrënjëve të hidhura të frytit helmues të mëkatit dhe humbasim në të.
Perëndia dërgoi Birin e Tij Jezusin për të na çliruar nga të gjitha mëkatet tona. Perëndia e di se ne nuk mund ta të çlirohemi nga mëkati vetë. Ne jemi të përsosur dhe të plotësuar vetëm nëpërmjet besimit në veprën e përfunduar të Shpëtimtarit tonë të pamëkat, Jezu Krishtit.

Në Krishtlindje, ne festojmë lindjen e Shpëtimtarit. Biri i përsosur, i pamëkat i Perëndisë erdhi nga qielli, jetoi një jetë të vëahtirë dhe vdiq në kryq. Ai derdhi gjakun e Tij dhe u ringjall në ditën e tretë për të provuar fuqinë e Tij mbi vdekjen dhe mëkatin.

Ne themi, “Gëzuar Krishtlindjen”, sepse e dimë se mëkatet tona – e shkuara, e tashmja dhe e ardhmja – janë falur të gjitha kur vijmë tek Jezu Krishti. Lindja, vdekja dhe ringjallja e tij na kanë sjellë paqen me Perëndinë. Plani i tij i shpengimit është plot me mirësi ndaj njerëzve. Është një dhuratë që ne e festojmë, jo vetëm në Krishtlindje, por çdo ditë të jetës sonë.

Lutje: Atë, faleminderit që sa herë them fjalët, “Gëzuar Krishtlindjen”, më kujtohet ajo që bëre për mua dhe dhuratën Tënde për botën. Lutem në emër të Jezusit. Amen.

“Lavdi Perëndisë në vendet më të larta dhe paqe mbi tokë njerëzve mbi të cilët qëndron mirëdashja e tij!” (Luka 2:14)

Racizmi dhe Krishti

Sot po dëgjojmë shumë për racizmin dhe paragjykimin. Duket sikur këto janë kthyer në çështje globale. Në Shtetet e  Bashkuara dhe në shumë vende të botës, po zhvillohen protesta kundër paragjykimit racor. Por prej sa kohësh ka ekzistuar ky problem? A u përball Jezusi me racizmin dhe paragjykimin? Cila ishte përgjigja e Krishtit, për ndarjen e madhe midis kombeve dhe Perëndisë, dhe midis njerëzve të zgjedhur të Perëndisë dhe kombeve të tjera?

Njeriu është krijuar sipas shëmbëlltyrës së Perëndisë. Në sytë e Tij, të gjithë janë të barabartë. Ai e përul krenarinë e njeriut dhe ngre ata që bota i përçmon. Sot, të krishterët po sfidohen në çështjet e racizmit dhe paragjykimit.

Në këtë program, Dan thotë: “Ne duhet të përballemi me racizmin. Duhet ta trajtojme si një mëkat dhe ta kapërcejmë atë, në jetën tonë. Perëndia nuk sheh ngjyrën e lëkurës. Në qiell nuk ka raca të preferuara. Të gjithë njerëzit kanë të njëjtën ngjyrë dhe kanë një shpirt, për të cilin Jezusi vdiq. Jezusi është shembulli ynë. Tek Ai ne shohim vetëm dashuri të përsosur.

Ekzistonte një ndarje e madhe midis judenjve dhe paganëve. Por Jezus Krishti erdhi për të sjellë paqe dhe unitet. Pikërisht për këto kanë nevojë familjet, marrëdhëniet, kombet tona dhe e gjithë bota. Pavarësisht se nga vijmë, ne marrim të gjithë të njëjtin Frymë nga Perëndia.Në Krishtin Jezus, ne, që dikur ishim të ndarë, tani jemi pranë njëri-tjetrit.”

Perëndia i shemb muret ndarës dhe i bashkon njerëzit që janë të thyer. Ai dëshiron të na përdorë ne, kudo ku jemi. Dhe kjo është koha, kur ne duhet t’u shërbejmë njerëzve, më shumë se kurrë më parë. Perëndia do të ecë me ne, në çdo sfidë. Fjala e Perëndisë thotë: “Në qoftë se Perëndia është me ne, kush mund të jetë kundër nesh?”

Pyetja që DUHET drejtuar në kohë krizash

pyetje që DUHET të drejtoshKjo nuk është një kohë për mesazhe të thjeshta dhe që të bëjnë të ndihesh mirë. Këto janë kohë për seriozitet, dhe thërrsin për veprim serioz. Kjo është një pandemi që nuk e kemi përjetuar ndonjëherë në jetën tonë. Në fakt, jo vetëm në jetën tonë, por unë nuk jam në dijeni të ndonjë periudhe në histori ku rreth 1 miliard e gjysëm deri në 2 miliard njerëz të jenë karantinuar, në 150 shtete.

Lavdi Perëndisë që është e premte | Pashka 2020

e premtja e mireZot, a do të mundim të të falenderojmë mjaftueshëm? Ti durove më shumë dhimbje, më shumë turp, më shumë trishtim, më shumë pikëllim se sa mund të kuptojmë ne. Na ndihmo të kujtojmë se përse vdiqe. Për shkak të dashurisë. Për shkak të mëshirës. Sepse dëshpërimisht kemi nevojë për të dyja. Në emrin e Jezusit, Amen.

Këmbe të papastra | Laura MacCorkle | Pashka 2020

larja e kembeve Të ndërlidhësh besimin me jetën: A po të thërret Zoti t’i tregosh dashuri dikujt? Përcakto kursin e veprimeve të tua që do të tregojnë një zemër të përulur: telefono, dërgo një mesazh, zgjat një dorë, thuaj një fjalë të ngrohtë ose laji këmbët! Dhe vazhdoni t’i bësh këto gjëra teksa tregoni dashuri për njëri – tjetrin!

 Page 1 of 49  1  2  3  4  5 » ...  Last »