Radio 7 - zëri pozitiv i qytetit

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.

Në 97.7 fm, dita nis gjithmonë pozitivisht me minutat e programit të mëngjesit. Për një zgjim sa më energjik e me rubrika të larmishme, të ftuar në studio, si dhe pasqyrim i eventeve të komunitetit. Më pas transmetimi vazhdon me hitet pozitive të momentit në programin KRASH. Intervista nga artistët dhe mesazhet pas këngëve të tyre, sjellin shpresë dhe u japin kuptim këngëve që transmetojmë. Të tjera programe si ai i këshillimit biblik “Ҫelësi IM” shoqërojnë dëgjuesit duke u dhënë këshilla për problemet e jetës së tyre të përditshme.

Folës të tjerë të njohur shqiptarë e të huaj përcjellin programe me mesazhe inkurajimi dhe të vërteta biblike. Këto programe sjellin drejtim dhe inkurajim në jetën kaotike të shqiptarëve. Fjalët e Shpresës, Shijoje Jetën, Rruga, Prekja e Zotit, Shpresë për Ty, Të lirë nga prangat, janë titujt e disa prej programeve që ndër vite kanë pasur një audiencë besnike e që ndiqen me kërshëri nga më të rinjtë e deri tek më të vjetrit.

Grupmosha të ndryshme gjejnë veten në programet e trajtuara në Radio 7. Nga programi i fëmijëve që transmetohet që prej vitit 2002, duke përfshirë fëmijë te shkollave, e deri tek projektet e vazhdueshme me programe rinore, dëgjuesit e cdo grupmoshe edukohen për fenomenet vendit tonë duke përcjellë tek ta.

Fjalët në këtë tekst nuk do të mjaftonin për të përshkruar të gjithë punën që ndodh cdo ditë në dhe përmes Radio 7, por ju mund ta dëgjoni 24 orë në 24 përmes internetit apo valë të shkurtra fm. Jeto dhe ndiko komunitetin tënd pozitivisht!