PADYSHIM DITA E PARË E SHKOLLËS E FËMIJËVE TUAJ ËSHTË NJË EMOCION MË VETE PËR TË GJITHË FAMILJEN! POR TË VEGJLIT SHPESHHERË KËTË DITË E MARRIN ME FRIKË, NDAJ NE PO JU SJELLIM disa KËSHILLA,  PËR T’UA LARGUAR STRESIN…

Fëmija yt ka kaluar më shumë se dy muaj argëtues, ndërkohë që ti ke ndjekur me kënaqësi ritmet e tij duke e lënë atë të bënte çfarë dëshironte. Por tani do të jetë disi e vështirë për ta kthyer në ritmet e shkollës…Për të kaluar këtë fazë kritike, duhet të jesh më shumë i/e disponueshëm/e se zakonisht dhe t’i tregosh të gjithë mbështetjen tënde. Më poshtë janë 10 këshillat për një kthim në shkollë pa stres.shutterstock_65743219

  1. Ambientoje me oraret e reja 

Pas netëve të gjata verore dhe fjetjeve deri në orët e vona, fëmija yt ka nevojë të gjejë një ritëm të ri. Disa ditë përpara fillimit të shkollës, parashiko kohën kur fëmija duhet të shkojë në shtrat dhe kur do të zgjohet. Në teori, fëmijët duhet të flenë përpara orës 21.00, duke bërë përjashtim një gjysmë ore lexim.

  1. iStock_000021291296_SmallPërgatiteni psikologjikisht

Fliti për shkollën disa ditë përpara fillimit të saj. Shpjegoji se përse është e nevojshme të shkohet dhe cilat janë avantazhet. Padyshim biseda duhet të bëhet sipas karakterit të moshës së fëmijës. Psh i thuaj që do të takojë shokët e vjetër, do të krijojë miqësi të reja, do të zbulojë aktivitete të reja, do të mësojë shumë gjëra të cilat do ta ndihmojnë të rritet…

 

  1. Sigurojeni

Nëse është i dëshpëruar ndërkohë që t’i i flet për shkollën dhe ju thotë: “Jo nuk dua të shkoj”, mos u shqetësoni, kjo është një gjë normale. Thuaji se e kupton frikën e tij/saj që do të ndryshojë klasë dhe mësues…edhe ti kur kishe të njëjtën moshë kishe të njëjtën frikë, por më pas arrite të njohësh shumë miq të rinj dhe të mirë. Shpjegoji se në rastet kur të jetë në vështirësi ti do të jesh aty për ta ndihmuar.

  1. Përgatite që të jetë i/e pavarurpg-toddler-dressing-intro-full

Mungesa e autonomisë mund të jetë një burim stresi, sidomos për më të vegjlit.                 Mësojeni që të vishet dhe të zhvishet vetë. Për ta ndihmuar, jepi veshje me një etiketë ku është shkruar emri i tij/saj ose një mbishkrim në mënyrë që ta njohë sa më lehtë.                  Kjo gjë do të shmangte konfuzione të vazhdueshme, përderisa nuk është e rrallë që dy fëmijë të kenë të njëjtën gjë, të ngjashme.

 

  1. doctor-with-childnurse(1)Bëjini të gjitha vizitat mjekësore të nevojshme e të zakonshme

Përpara se ta dërgoni fëmijën tuaj në shkollë ju duhet ta dërgoni atë për t’i kryer një vizitë të përgjithshme mjekësore për shembull për shikimin, dëgjimin, dhëmbët, vaksinat. Është e rëndësishme për të ardhmen e fëmijës tënd, sepse është e thjeshtë të bëhet “nxënës i keq” për faj të një defekti në të parë apo në të dëgjuar. Si mund ta kuptojë atë që shpjegon mësuesja nëse ai/ajo nuk sheh apo nuk dëgjon mirë?

  1. Tregoji shkollën

Nëse fëmija juaj fillon klasën e parë, ose ndryshon shkollë, mos prit po të njëjtën ditë për t’i njohur shkollën e tij/saj të re. Nuk ka gjë më shqetësuese se sa një vend i panjohur ku do të ndihet i/e humbur. Për t’ia bërë sa më familjare, bëni një xhiro nga shkolla dhe shpjegoi se ku janë klasat, kopshti, mensa…Kjo do ta ndihmojë fëmijën tuaj të krijojë besim në vetvete dhe pse jo ta dojë shkollën përpara se ta fillojë atë.

  1. girl-reading-book-in-her-family-homeBliji librat shkollorë dhe veçanërisht atë për ditën e parë të shkollës (libra psikologjikë, me këshilla)

Fëmijët e adhurojnë faktin që të identifikohen me heronjtë e romanëve. Përveç kësaj, këto histori do t’u lejojnë atyre të kuptojnë se edhe fëmijë të tjerë mund të jenë të dëshpëruar ose të qajnë ditën e parë të shkollës. Më pas, gjithmonë ka një fund të lumtur!

  1. Përgatiti një çantë me gjërat e tij/saj personale

Në këtë çantë mund të fusni disa rroba për ndërresë për më të vegjlit, biletë autobusi nëse është e nevojshme. Por gjithashtu me vete mund t’i jepni edhe një objekt apo lodër të cilën fëmija juaj e adhuron më shumë. Kjo gjë do ta ndihmojë atë të ambientohet më shpejt.

  1. Zgjojeni herët

Gjatë një dite X, zgjojeni fëmijën tuaj mjaftueshëm herët për të evituar që t’i bëjë gjërat me nxitim. Është mirë që të ketë kohë në dispozicion për t’u çuar dhe për të ngrënë mëngjesin me qetësi. Nëse nuk ka uri, sepse është i dëshpëruar, mos insisto, por për çdo rast përgatiti diçka për ta marrë me vete (sanduiç me djathë, tost, fruta).  

10. Çoje vetë në shkollëpublic-school-MM-1940x1287

Nëse ke mundësinë dhe nëse ai/ajo ka dëshirë, shoqëroje deri në klasë. Nëse nuk ke mundësi, mos u ndiej në faj, por shpjegoji mirë se si janë gjërat dhe në darkë përpiqu të kthehesh shpejt për ta dëgjuar për ditën e tij/saj të parë.

 

Të ecim çdo ditë
Nerëzit më pak të përqëndruar se peshku i artë

Komente

Momentalisht nuk ka komente për këtë program. Ke nderin të jesh komentuesi ynë i parë. Faleminderit!

Ju lutem, na shkruani nëse ky program ju ka ndihmuar.

* Adresa Jote e e-mailit do të mbahet sekret.
You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>