Gjermanët i vlerësojnë shumë familjet e tyre dhe sidomos të Dielave, ata përkushtohen për të kaluar kohë me të dashurit e zemrës. Shpesh fundjavës rrugët janë të zbrazura, dyqanet janë të mbyllura dhe madje mund të jetë e vështirë edhe për të blerë ushqime. Një e Diel në Gjermani, është një ditë e qetë dhe njerëzve u pëlqen që të shkojnë për të pushuar, apo në një udhëtim me familjen. Le të shohim disa karakteristika të tjera të Gjermanisë, për ta njohur pak më mirë këtë vend.

1. Gjermania është një nga vendet me popullsinë me të dendur në botë.
2. 1/3 e vendit është e mbuluar me pyje dhe drurë.
3. Tradita e pemës së Krishtlindjes ka lindur në Gjermani.
4. Ka mbi 300 lloje të ndryshme bukësh në Gjermani, e ka gjithashtu edhe muze posaçërisht për bukët.
5. Në Gjermani ka mbi 1000 lloje të ndryshme  salsiçesh.
6. Në Gjermani ka më shumë klube tifozësh  futbolli se kudo tjetër në botë.
7. Gjermania ka më shumë aktivitete kulturore dhe vende të përcaktuara për zhvillime kulturore, se çdo vend tjetër në botë. Ky  vend ka 6200 muzeume, 820 teatro, 130 orkestra profesionale dhe 8800 librari.
8. Gjermania ndonjëherë njihet si “toka e poetëve dhe mendimtarëve”, të tillë janë : Bach, Beethoven, Goethe, të cilët  ishin të gjithë gjermanë, e kompozitorë  të tjerë të mirënjohur si Handel, Schumann, Mendelssohn, Brahms, Wagner dhe Strauss.
9. Libri i parë i printuar ka qenë në Gjermanisht.