Lexo:Psalmi 119:97-104

Oni psherëtiu duke ngacmuar copën e ëmbëlsirës që e kishte lënë përgjysmë, dhe pastaj i tha nënës së tij: “Nuk ka gjë më të shijshme se kjo. Sa do të doja që të mos e kisha këtë shije të çuditshme në gojë.” Atë ditë, Oni kishte qenë tek dentisti dhe njërën anë të gojës e kishte mpirë në mënyrë që të mos i dhembte kur dentisti t’i hiqte dhëmbin.

Nëna qeshi duke e këshilluar: “Prit edhe pak! Në gjuhën tënde ka shumë sytha të shijes, dhe kur dentisti e mpiu gojën, gjilpëra i mpiu edhe ato. Si thua sikur ta ruash për më vonë ëmbëlsirën? Atëherë ka për të të shijuar më shumë.” Oni tundi kokën, u ngrit dhe e vendosi ëmbëlsirën në frigorifer. Më pas nxori xhaketën e tij nga dollapi. “Është pak herët që të nisesh për në klubin e Biblës, apo jo?”

Oni ngriti supet dhe u përgjigj: “Të lutem, a mund të mos shkoj sot? Dua të luaj me djemtë.”.

Fillimisht nëna nuk foli, por më pas e pyeti: “Edhe sythat shpirtëror të shijes të janë mpirë?”. Oni u ndal dhe me njërën dorë të futur në xhepin e xhaketës, vështroi nënën e tij dhe e pyeti: “Nuk e kuptova çfarë deshe të thuash.”.

Nëna iu përgjigj: “Po ja, unë mbaj mend që dikur ti emocionoheshe shumë për klubin e Biblës. Ti thoshe se argëtoheshe me lojërat pyetje-përgjigje, me lojërat rreth Biblës dhe me këngët e bukura. Kur vije në shtëpi, më tregoje mësimin, atë që kishe mësuar për Perëndinë dhe se çfarë pret Ai nga fëmijët e Tij. Më pas, unë të ndihmoja të mësoje përmendësh vargun e radhës, kështu, ti mund ta praktikoje gjithë javën. E mban mend?”

Oni tundi kokën dhe i tha: “Unë ende e pëlqej klubin e Biblës,por ka kaq shumë gjëra të tjera që mund të bëj sa…”

Ai heshti dhe mendoi me vete: “Mbase nëna ka të drejtë, mbase sythat shpirtëror të shijes janë mpirë.” Ngadalë, Oni e vari xhaketën e tij në dollap. “A kam kohë që ta mësoj vargun për sot?” – pyeti Oni.

Nëna buzëqeshi duke i thënë: “Mendoj se po! Mpirja në gojën tënde së shpejti do të ikë vetë, por ne duhet të punojmë me mpirjen shpirtërore. Një mënyrë e mirë për të filluar është duke u kthyer tek Fjala e Perëndisë.”

Po ti a po e shijon mësimin e Fjalës së Perëndisë? Apo sythat shpirtërorë të shijes të janë mpirë nga programet televizive, lojërat, gjërat personale që të pëlqejnë dhe nga detyrat e shtëpisë? Lexoje Biblën tënde dhe prit që Perëndia të të flasë. Mëso të thuash bashkë me psalmistin: “Oh, sa shumë e dua ligjin tënd.”. Kur punon për të larguar mpirjen shpirtërore, do të mahnitesh se sa shpejt kjo do të jetë e vërtetë në jetën tënde.

Shijo fjalën e Perëndisë!

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI