Në shoqërinë moderne, radiot janë një  teknologji e zakonshme. Radion sot mund ta kesh  në makinë dhe në shtëpi. Në fakt, në ditët e sotme do të ishte e vështirë të gjeje qoftë edhe njeri që nuk ka dëgjuar, parë, ose përdorur një radio në jetën e tij. Por nuk ka qenë gjithmonë kështu. Para shekullit të 19-të, komunikimi  me valë i radios konsiderohej vetëm një fryt i fantazisë. Edhe pas zhvillimit të radios në fund të viteve 1800, u deshën shumë vite para se radiot të përhapeshin dhe të ktheheshin në një pajisje që ndodhej në çdo shtëpi.Historia e radios është  një histori tërheqëse që ndryshoi mënyrën se si bota ndërlidhej dhe komunikonte  në distanca  të vogla dhe ato shumë të largëta.

Pyetja se kush e shpiku radion, ka qenë vazhdimisht e shoqëruar me polemika. Në 1893, shpikësi Nikolai Tesla, demonstroi një radio me valë  në St Louis, Misuri. Pavarësisht nga ky demonstrim, është Guglielmo Marconi i cili konsiderohet si babai dhe shpikësi i radios, kjo  sepse atij i ishte dhënë patenta e parë për telekomunikacionin e pateltë, në Angli në vitin 1896. Më 12 dhjetor , 1901, vendi i Marconit në historinë e radios u vulos përgjithmonë kur u bë personi i parë që arriti të transmetonte sinjale përmes Oqeanit Atlantik.

Para dhe gjatë Luftës së Parë Botërore

Para viteve 1920, radio u përdor kryesisht për të kontaktuar anijet që ishin në det. Komunikimet me radio u arritën zakonisht nga përdorimi i mesazheve të kodit Morse. Ky ishte një përfitim i madh për anijet që gjendeshin në ujë, veçanërisht gjatë situatave emergjente. Me Luftën e Parë Botërore rëndësia e radios u bë e dukshme dhe dobia e saj u rrit ndjeshëm. Gjatë luftës, ushtria e përdori pothuajse ekskluzivisht dhe u bë një mjet shumë i çmueshëm në dërgimin dhe marrjen e mesazheve tek forcat e armatosura.

Radio dhe vitet 1920

Në vitet 1920, pas luftës, radiot filluan të rriteshin në popullaritet, dhe në mesin e civilëve. Në të gjithë SHBA-në dhe në Europë, stacionet e transmetimit  në Pitsburg, Pensilvani dhe British Broadcasting Company  në Angli, filluan të shfaqen. Në vitin 1920, kompania Westinghouse aplikoi dhe mori një licencë radiotelevizive, e cila lejoi krijimin e radio stacionit të parë  të licencuar zyrtarisht nga qeveria. Ishte po ashtu kompania Westinghouse e cila filloi reklamimin e shitjes së radiove për publikun.

Lufta e Dytë Botërore dhe ndryshimet pas luftës

Gjatë Luftës së Dytë Botërore, radio  pati një rol të rëndësishëm si për Shtetet e Bashkuara dhe  për Mbretërinë e Bashkuar. Me ndihmën e gazetarëve, radio transmetoi lajmin e luftës për publikun. Ishte gjithashtu një mjet me anë të së cilit mund të propagandohej dhe u përdor nga qeveria për të fituar mbështetjen e publikut. Në Mbretërinë e Bashkuar, gjatë kësaj periudhe radio u bë burimi kryesor i informacionit pas mbylljes së stacioneve televizive. Mënyra në të cilën u përdor radio gjithashtu ndryshoi botën pas Luftës së Dytë Botërore. Ndërsa ishte një burim argëtimi,sepse sillte programeve të ndryshme, radio me kalimin e kohës filloi të transmetonte më shumë nga muzika e kohës. “Top 40″,  këngët më të mira në muzikë, u bë një program mjaft popullor dhe audienca  kaloi nga familjarët, tek adoleshentët dhe personat deri në 35 vjeç.  Muzika dhe radio rritën popullaritetin e tyre , derisa u bënë sinonim me njëra-tjetrën. Stacionet e radios FM, që kishin cilësinë më të mirë të tingullit,  filluan të zëvendësonin stacionet AM origjinale, dhe forma të reja të muzikës, si rock and roll, filluan të transmetohen.

E tashmja dhe e ardhmja e radios

Sot, radioja është zhvilluar shumë më tepër nga sa  Tesla ose Marconi mund të kishin imagjinuar ndonjëherë. Radiot tradicionale dhe transmetimet në radio janë bërë një gjë normale e të tashmes sonë. Radio  ka evoluar në mënyrë të vazhdueshme  në  radio satelitore dhe po ashtu sot stacionet e radios mund t’i dëgjojmë edhe në internet. Radiot gjenden jo vetëm në shtëpitë tona , por ato gjithashtu  nuk mungojnë në automjetet tona. Përveç muzikës, programet e folura të radios arrijnë gjithashtu shumë njerëz. Teatri i mendjes ende dëshirohet dhe pëlqehet për shkak të përjetimeve unike që krijon tek gjithsecili dëgjues.

 

 

 

Së bashku jemi pozitiv!
16 Ditët e Aktivizmit Kundër Dhunës ndaj grave

Comments.

Currently there are no comments related to this article. You have a special honor to be the first commenter. Thanks!

Leave a Reply.

* Your email address will not be published.
You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

X