Çdo burrë apo grua që dëshiron që të jetë një drejtues si Jezusi, duhet të jetë një njeri që fal, sepse Jezusi ka bërë një thirrje shumë të qartë që të jemi gati për të falur. Gruas që u kap në tradhëti, Jezusi i tha:“O grua, ku janë ata që të paditnin? Askush nuk të dënoi?`… As unë nuk të dënoj” ( Gjoni 8:10-11); paralitikut:

“Merr zemër, o bir, mëkatet e tua të janë falur!” ( Mateu 9:2); e në përgjigje të ushtarëve që e rrihnin Atë,  liderëve Hebrenj   që  e çuan në kryq dhe ndaj turmës që e ngacmonte  Atë, ai ofroi për ta këtë lutje:“O Atë, fali ata sepse nuk dinë ç`bëjnë“  ( Luka 23:34)

Ndryshe nga Jezusi, ne nuk mund të ofrojmë faljen  që vjen nga dikush  që është tërësisht i drejtë.   Ne mund të praktikojmë faljen që mund të bëjë një mëkatar ndaj një tjetri. Por si fëmijë të Zotit, ne duhet të jemi njerëz që kuptojmë fuqinë e vërtetë të faljes.

Tek  Gjoni 2:1, apostulli Gjon shkruan, “Djema të mi, ju shkruaj këto gjëra që të mos mëkatoni; dhe në qoftë se ndokush mëkatoi, kemi një avokat te Ati, Jezu Krishtin të drejtin.”

Këto vargje shprehin vullnetin e Atit për njerëzit e tij gjatë gjithë kohërave : mos mëkatoni. Por kushdo që bie në mëkat, ka një shpengim. Ka hir. Ka falje. Ajo vjen përmes drejtësisë së Jezusit, avokatit tonë përpara Atit.

Ky është principi i faljes. Zoti është kundër mëkatit. Ai e urren mëkatin. Ai dëshiron që të largojë rrënjët e mëkatit nga jeta jonë. Por Zoti njeh gjithashtu natyrën tonë mëkatare, e kështu Ai bën një rrugë për ne, në mënyrë që ne të pajtohemi me Të kur biem në mëkat.

Si liderë që ndjekim stilin e lidershipit të Jezusit,  duhet të kundërshtojmë mëkatin në jetën tonë dhe në jetën e atyre që ndjekim .E megjithatë, ne ende mund të ofrojmë falje dhe të bëjmë një rrugë për ta rregulluar këtë marrëdhënie dhe  të ndihmojmë që mëkatari rë rindërtohet dhe të jetë i plotë dhe i vlefshëm.

Çfarë note do t’i jepje vetes kur vjen puna tek falja e atyre që të kanë lënduar?  Kalo nëpër mend të gjithë ata që nuk ke dashur t’i falësh.  Mos minimizo atë që ata kanë bërë. Në vend të kësaj, duke menduar për atë që Jezusi ka bërë për ty, kërkoji Zotit që të të ndihmojë ty që t’i çlirosh ata nga borxhi i tyre.

Lutje: Perëndi, falja Jote në jetën time është një mrekulli. Ma transformo zemrën time për të treguar faljen Tënde atyre që më kanë trajtuar keq. Unë i liroj ata përpara teje dhe kërkoj që Ti të shërosh plagët që unë mund të kem marrë nga veprimet e tyre. Unë lutem ne emër të Jezusit. Amen.

“Sepse në qoftë se ju ua falni njerëzve gabimet e tyre, Ati juaj qiellor do t`jua falë edhe juve; por në qoftë se ju nuk ua falni njerëzve gabimet e tyre, as Ati juaj nuk do t`ua falë juve gabimet tuaja.”

( Mateu 6:14-15)

Ndani përshtypjet tuaja me ne

Your email address will not be published. Required fields are marked

{"email":"Email address invalid","url":"Website address invalid","required":"Required field missing"}
Rreth Radio 7

Radio 7 hyri në tregun radiofonik shqiptar si një media që sjell një këndvështrim pozitiv për jetën! Radio 7 është një zë pozitiv përmes përzgjedhjeve muzikore të përditshme, programeve informative, educative dhe sociale. Ne përdorim parimet biblike në thelb të përmbajtjes së programeve tona, me dëshirën për të parë një shoqëri shqiptare ku vlerat mbrohen. Stafi dhe programet e realizuara i japin një rëndësi të veçantë mirëqënies fizike, emocionale dhe shpirtërore të çdo personi.

Licensuar në nëntor te vitit 2001, Radio 7 fillon transmetimet në 17 maj 2002 me një transmetues në malin e Dajtit, nga një studio modeste dhe me pjesën më të madhe të stafit si vullnetarë.

Është quajtur Radio 7 sepse simbolika biblike e numrit 7 është “dita e pushimit dhe paqes fizike dhe shpirtërore.” Nëpërmjet transmetimeve të saj Radio 7 kërkon t’ju jap dëgjuesve pushim dhe paqe pavarsisht se sa e zhurmshme është dita në qytetet ku jetojmë.

Radio 7 transmeton në Tiranë në frekuencën 97.7 fm, e duke filluar që nga vitet 2005-2007 jane shtuar 2 transmetues te rinj, nje ne Ardenice me qellim mbulimin me sinjal te ultesires perendimore dhe nje tjeter ne Petresh per mbulimin me sinjal te zones se Elbasanit. Sot Radio 7 transmeton ne tre frekuenca, 97,7 FM ne Tirane, 102,3 ne Elbasan dhe 88,2 ne Ardenice. Ne vitin 2009, Radio 7 ka filluar transmetimet ne internet ne www.radio-7.net.


Free!

REGJISTROHUNI